مش عارف ليه ؟
الدنيا معاندة
و الحظ مافيش
و تملى بتيجى بالمقلوب
تهرب من قدرك
و تروح على فبن
حتخاف م الوعد و المكتوب
و اللى يخاف م الوعد
يبقى عبيط
" ماشية الحياة على كيفها و معاندة
و الحالة تعبانة مش ناقصة مناهدة
و أقول مسيرها فى يوم تتعدل
أتاريها عاملة مع قلة البخت معاهدة "
و الدنيا دى ليه موجودة
بتسعد ناس
و تتعس ناس
بترفع ناس لسابع سما
و ناس تخسفهم لسابع ارض
و الفرق ايه بين الاتنين ؟
لو تسألنى اقول ما أعرفش
لا دول ظلمة
و لا دول قادرين
لا دول نصروا الحق
و لا دول باعوة بالباطل
مش عارف لسة السكة منين
و لا باين ليها اي دليل
و احساس غريب بيقولى
ما فيش فايدة
و كمان بيغيظنى
و بيطلعلى لسانه
خلاص خليك زى ما انت
ودع احلامك
ودع اوهامك
ودع حتى كلامك
ليست هناك تعليقات:
إرسال تعليق