عندما أنظرفى وجوه البشر رغم اختلاف الملامح والألوان
فيه الأبيضانى و الأشقرانى و أبو سمره السكره الأسمريكا اللي نقوله صباح العسل الأسود
لكن هناك اشتراك في حاله واحده بين كل وجوه البشر في مصر كل الوجوه عابسه مكشره حزينه مكفهره و الحزن هيطلع من عينيهم
يا تري ايه سبب الحزن و التكشير تعالوا معايا نشوف مين السبب مع الاعتذار لطارق علام ذو القلب الحنون المذيع ثقيل الظل والممثل الفاشل
ايوه الشاب ده خايف من نتيجة الترم و عارف قبل ما تظهر انها حلوه قوي وأمه محمد كلها بتسلم عليهأ
وصاحبه ده بقاله 10 سنين مخلص و لسه ما وصلش ليه جواب القوى العامله و لو بتكليفه زبال في البلديه ودوب الجزم بتاع 4 محلات من اللف علي الوظايف الخاليه قال يعني فيه وظايف خاليه
و الشابه دي سابها خطيبها من يومين يا عيني عليها حالها بقي حال الندامه
والأستاذ المدام مدياه موشح ردح ع الصبح ميه ميه فشر كونشرتو درب سعاده و السيمفونيه الخامسه لبيتهوفن
وفيه شابه بنت 30 سنه نونو يعني و ابن الحلال لسه ما خبطش ع الباب يعني القطر فاتها من غير ما يهدي لكن ازاي يجيي ابن الحلال والشاويش عطيه أحلي منها مع الاعتذار لكل بنات حواء أجمل الكائنات البيضاوات و الشقراوات و السمراوات
يا تري ممكن ترجع الفرحه للوجوه تاني ؟
ودي شوية نماذج بس وبعد كل ده يا تري ممكن يرجع الفرح و الابتسام للوجوه تاني ولا هي خلاص اتعودت علي الحزن والتكشير
هل فعلاً الحلم ماهوش مستحيل
ولسه الأغاني ممكنه
و ممكن نعلي صوتنا بالغنا يا عم منير