! لا تصالح

! لا تصالح

و لو منحوك الذهب

أترى حين أفقأ عينيك

ثم أثبت جوهرتين مكانهما

هل ترى ؟

هى أشياء لا تشترى

أمل دنقلِ

محمد فرج على يكتب : صوت الحنين

صوت الحنين يشدنى

لحبيبتى

غابت و لم تعد

حاولت ان انساها

لكننى

لم استطع

حبيبتى

هل تتذكرين

لقاءنا الاول

هل تتذكرين

ميلاد الحب

حبك مازال يجري

مجري الدم

آهاتى تعلو كل مساء

لياليا شقاء و عناء

قلبى تحطم حبيبتى

لما الجفاء ؟

اتسائل ؟

!! و تلح على التساؤلات

!! هل تعودين

محمد فرج على يكتب : افهم بقى

لما غنى حميد الشاعرى " افهم بقى" ماكانش يقصد بيها ان حبيبته اللي مش فهماه تفهمه ابدا ده كان يقصدكوا انتوا و بيكلم كل واحد فيكوا لوحده يقوله " افهم بقى" اذا ماكانش ليك ضهر في البلد دي لازم و حتما ولابد تنضرب علي بطنك وعلي قفاك و لا مؤاخذة فاستعد لانك هتتباس يعني هتتباس قصدي هتنضرب يعني هتنضرب وحاول تكون في حالك قوى جدا خالص مالكش دعوه بأى حاجه في اي حاجه و اتبع سياسه لا اري لا اسمع لا اتكلم و ما تخرجش من بيتكوا خالص و بالمره خدلك علبه ريفو و استريح من حياتك خالص يعني حتخرج تروح فين

اذا كنت خلصت دراسه ما فيش شغل يا توتو الا بكوسه و واسطه و انت طبعا مافيش معاك لا كوسه ولا واسطه تبقي تتنيل علي عين اهلك و تقعد في بيتكوا تلاقيك مامعكش تمن الشاى و الدخان عشان تقدر تقعد علي اي قهوه كحيتي

اذا كنت لسه طالب في الجامعه انصحك نصيحه اخ كبير ومعاه بدل البكالوريوس اتنين بامانه اديها الطارشه و نفض لها و اياك تروح الكليه و تحضر المحاضرات و السكاشن و وجع الدماغ اللي مالوش لازمه ده

نخش علي السياسه اوعى تمشي في مظاهرة من بتوع حركة "بس خلاص" و الناس اللي مخها لاسع دى و تقول " بس خلاص0000 بس خلاص" هتنبح صوتك ع الفاضي و في الآخر مش حيتحصل حاجه و كل حاجه هتفضل ذي ما هى

بلاش تنضم لأى حزب معارض خاصه "حزب بكرة" ليبقي مصيرك ذي الدكتور " آيسر ضلمة" يا عيني عليه و علي جراله لو عايز تنضم لحزب تمام خليك مع الحزب اللى يعملك كارنيه فشر بطاقه الرقم القومى و يطلعك رحلات و معسكرات صيف شتا و يوديك معهد اعداد القادة و لو عندك مواهب صحفيه مكبوته يخليك تكتب في جريدته او حتي جريده او مجلة "روزا" اللي ما حدش بيقراهم و يخلي عندك فكر جديد و تعبر للمستقبل السعيد و كل ده بتلاته جنيه يا بلاش " حزب وداد قلبى" اكبر حزب في البلد دي و اللي يحبنا ما يضربش نار و هي دي السياسه والا فلا

افهم بقى

! مكتب المدير العام فى السماء

بسم الله الرحمن الرحيم

" و سيعلم الذين ظلموا اى منقلب ينقلبون"

صدق الله العظيم

اهداء

لكل ظالم

لكل مسيء للغير

لكل من شوه سمعة الآخرين

لكل صاحب قلب صديء

لكل صاحب ضمير ميت

لكل من يقول انا و من بعدي الطوفان

لعل و عسي ان يتعظوا

و حسبنا الله و نعم الوكيل

مكتب المدير العام في السماء

هل الجريمه ان تقتل قتيلا او تسرق "سريقه"؟

هل المجرم هو ذلك الشخص الذي عنده ملف سوابق و اتهامات و احكام و دخل السجن و خرج منه او لم يخرج ؟!

و هل كل ما يحدث يوميا من جرائم يرتكبها الناس في حق بعضهم البعض منصوص عليه في قانون العقوبات تحت بنود الجنح و الجرائم و توجد لها عقوبات محددة و معلومه في القانون ؟

لا و الف لا فما اكثر الجرائم الاخري التي يرتكبها البشر كل يوم ضد آخرين دون ان يكون ما ارتكبه داخلا ضمن الجرائم التي ينص عليها القانون و لا توجد علي الاطلاق عقوبات في القانون عليها

ان استغلال الانسان لاخيه الانسان جريمه بشعه و قد يدفع المجني عليه من جرائها عمره و حياته دون ان ينال قانون الارض من الجانى

و ابتزاز الانسان جريمه و النميمه جريمه و الاساءه الى سمعة الآخرين جريمه و الكذب جريمه و النفاق جريمه و الغدر جريمه

و هذا ليس كلاما مرسلا بل هو واقع نعيشه

الكل يعرفه و يتحدث عنه و يشكو منه ان الحياه صعبه لكننا جعلناها مستحيله بما نمارسه و نرتكبه في حق بعضنا البعض

نحن نكذب علي بعض و نمشي بالنميمه بين الناس و نستغل من حولنا للوصول الي اهدافنا

و نحن ننافق و نغدر و نحن نزعم ان الحياه اصبحت هكذا و ان ما نفعله هو قانون الحياه الجديده و ان علينا ان نتغذى بالآخرين قبل ان يتعشوا بنا

و اذا كان المجرمون هذه الايام يفلتون من قانون الارض فان قانون السماء موجود و الله يمهل و لا يهمل و اذا لم ندفع عقوبات جرائمنا على الارض حتما سوف ندفعها في السماء

هذه الدنيا لا تجري عبثا هناك مدير عام اكبر من الكل مكتبه في السماء و لو كان ربنا سيأخذنا بعدالته لدفعنا جميعا ثمن جرائمنا لكنه - و الحمد لله - هو الرحمه نفسها

و حسبنا الله و نعم الوكيل

نقلا عن الكاتب الصحفى / محمود صلاح

محمد فرج على يكتب : سر المكالمه الغامضه

في صباح يوم الاربعاء الموافق 10/9/2008 رن هاتف المنزل و ظهر علي الشاشه رقم غريب من مدينه شبين الكوم لا اعرفه فاجبت علي الهاتف فاذا علي الطرف الآخر صوت شاب في منتصف العشرينات من عمره و يبدو انه يتكلم من كابينه عامه واستنتجت ذلك من اصوات الضجيج من حوله و دار هذا الحوار القصير

انا : الو

الشاب : ايوه سلامو عليكم

انا : و عليكم السلام و رحمه الله و بركاته

الشاب : ممكن اكلم الاستاذ / محمد فرج

انا : ايوه انا محمد

الشاب : انا عايز اقولك علي حاجه

انا : اتفضل انا تحت امرك

الشاب : فيه موضوع منشور عنك في جريده

انا : "مقاطعاً" موضوع ايه و في جريده ايه

الشاب : "باقتضاب" يعني مش عارف

انا : "مقاطعاً" موضوع ايه و في جريده ايه

وهنا اغلق الهاتف مع صوت ضحكات عاليه

و علي الفور عاودت الاتصال بالرقم فاذا بالرساله المسجله تقول " هذا الرقم طالب فقط"

يعني كما توقعت كابينه عامه و هنا بدا الشك يساورنى هل هذ ا الشاب يمزح ام ماذا و لكن ده يبقي هزار تقيل قوي و كمان في نهار رمضان و الناس صايمين و الشياطين مسلسله

لكنه يعرفني و خاطبني ياسمى توترت بطريقه فظيعه ماذا افعل ؟

و ظهرت مئات التساؤلات امامى هل من الممكن ان يُفبرك موضوع في جريده او مجله عني

نعم فكل شيء في هذا الزمان ممكن و جائز في ظل طغيان اصحاب النفوس الضعيفه و منعدمي الضمائر في كل مكان

ماذا افعل !!

هدانى تفكيري للاتصال بزميله صحفيه متخصصه في الحوادث اسمها " نيفين الفقي" من مركز الباجور

و شرحت لها ما حدث فاجابت بمنتهى الهدوء الذي تُحسد عليه كبر كبر ده اكيد حد بيهزر معاك و كانها تعرف شييء و تريد اخفائه عنى بالطبع صدمتنى عباراتها

طب اشمعنى انا بالذات و واحد عارف اسمي كمان يعني قاصد الكلام اللي بيقوله المهم لم احصل منها علي عقاد نافع فشكرتها و انهيت المكالمه مع عباره ابقي طمني مما يدل علي انها تخفى شييء ما و هنا احب ان اقول ان في هذا الزمان كل شييء ليس في الحسبان يحدث

و اطلب منكم يا اصدقائى الطيبين في هذه الايام المباركه امدادي بأى معلومات عن هذا الموضوع حتي اقطع الشك باليقين

هل فعلاً نُشر موضوع صحفي عني في جريده او مجله و حتماً سيكون موضوع مُفبرك من وحي خيال كاتبه المريض و منتمي بلا شك لحزب اعداء النجاح و حزب اعداء الانسانيه ام انه مجرد مزاح ثقيل

فمن لديه ايه معلومات الرجا الاتصال بي عبر الوسائل الآتيه

الايميل : modylive2004@yahoo.com

ولكم منى جزيل الشكر

اخوكم : محمد فرج على

شو بخاف

شو بخاف دق عليك و ما لاقيك

شو بخاف نص الليل ماحاكيك

شو بحس الليله صعبه

بسمعها ضربه ضربه

بيخطر لى آخد حبه

تاإقدر نام

شو بخاف حتى الخط ما يلاقيك

شو بحس إنو لازم يلقيك

و ترد و حاكيك

حبيبي

تاإقدر نام

شو بداري هالحب حتي يدوم

شو بخاف

انت و هون فجأه تقوم

بتصور صوره وحدى

مش حلوه سودا وحده

و باليل الصوت بيودي

و لو مش مفهوم

يا ريت بيتك كان منو بعيد

و الباب تحت البيت مش حديد

بلحظه بلاقيك بطلع تاحاكيك

حبيبي

تاإقدر نام

كلمات والحان : زياد رحباني

غناءالصوت الحريري : فيروز

محمد فرج على يكتب : كدابة الزفة

الكدابين انواع

و الكدب مذاهب

هو صحيح فشر و تلفيق

و عيار و طايش في الهوا

بس لابد نقول و نبين

لجل الحق يبان و يبين

ان كلامهم كله فاشوش

و لسانهم متباع بالفلوس

و الحقد جوه قلوبهم دفين

رغم مرور السنين

عندك ست عجيبه غريبه

كدابه وتافهه و مجنونه

و غبيه و جاهله و خايبانه

ما فيهاش الا لسان

عملاه كرباج لاسيادها

و اللي بيدفع بيبان

و تلبي بسرعه مراده

سلطوها و هي خايبه

تمام يا فندم

و دوغري اندبت علي وشها

و اتعلقت بحبال الكدب الدايبه

ما تستاهلش الرد عليها

بكره تسود لياليها

و تشوف نجوم الضهر بعنيها

ما دام ربنا موجود

و اسمه الحق و شهيد

و بالظلم ما يرضاش

و العدل في الميزان

اوعي يغرك جنونك

اياكي يا غلبانه

لو وقعتي ما حدش حيقف معاكي

و طريق الندامه حتمشي فيه بخطاكي

صدق اللي قال

ولاد الحرام

ما خلوش لولاد الحلال حاجه

محمد فرج على يكتب : الحيزبون القرشانه

حيزبون و قرشانه

و عيونها دايماً نعسانه

لابسه ماسك البراءه

و التقوي و الصلاح

خلاص بانت حقيقتها

و انكشف سترها و غطاها

و هي بتخطط بكل شر

و عيون مليانه غل

و قلب مليان مر

و ضمير اسود حزين

شايبه و عايبه و كدابه

و منافقه و مبرارتيه و دحلابه

حسب الاحوال

حسب الوظيفه

و هي و شطارتها

تظهر حلاوتها

تظهر مرارتها

لو خفضوها ترتفع حرارتها

لو صعدوها تنقلب جيلاتي

مع ان العمر دار بيها

و خلاص مش باقي فيه بقيه

ده نفس طالع ما بيرجعش

يا حيزبون يا قرشانه

ربك مش غافل عنك

قادر يكسرك و يزلك

ذي ما زلك زمان

و خلي سيرتك علي كل لسان

ارجعي لربك و توبي

قبل فوات الاوان

و قبل ما تقولي

يا ريت اللي جري ما كان

محمد فرج على يكتب : وداعاً 2007

مع السلامه
! يا عام ما كانش فيك سلامه
يا سنه و كانت سوده
بس عدت!
يا عام مهبب
يا ميت ندامه
قلبى بيبكي فراقك
عشان دموعناتهدى القلوب
ما شفنا فيك
يوم كان حنين
يوم كان أمين
و توهتنا الليالي
وياك سنين
أوعاك تقرب
أو تيجي تاني
أخوك هيجي بعد ساعات
أهلاً وسهلاً مرحبا
بس يا ريت
تمحى اللى فات
أصل الألم لسه بيصرخ
حقنا مهضوم
و كلامنا مش مفهوم
و صوتنا ليه مش واصل
و الأسوار حايشانا
مرحب مراحب
يا عام وجى
بالوعد والمكتوب
يا ريت تكون
حنين علينا
تحقق أحلامنا و أمانينا
و ترجع البسمه لينا
يمكن أكون موهوم
لكن
الأمل جوايا بقاله سنين
ويمكن يظهر السنه ديه
مع طلعة شمس يناير جايه