محمد فرج على يكتب : تمهلى قبل الرحيل

تمهلى قبل الرحيل

فالعمر لو تدرى قصير

لحظات نخطفها من الحياه

دعينا نحياها قبل ان تطير

تمهلى حبيبتى

فالوقت يداهمنا بقسوه

و السياف بالانتظار

هل تدركين ان ميلادي الحقيقي

يوم رأيتك

و تنسمت نسمات عطرك

هل تدركين

ان كلمه منك

تحييني دهورا

بين الاقمار و النجوم

هل تدركين

ان لمسه من يديك

دواء لكل ا لا لامى

ونهايه لكل اهاتى

هل تدركين

ان نقطه من شهد شفتيك

تروى ظمائى

حتى الاقي وجه ربي

هل تدركين

انى بدونك سراب

و بقايا لحن قديم

مزقه الشجن

تمهلي قبل الرحيل

فالعمر لو تدري قصير

لحظات نخطفها من الحياه

دعينا نحياها قبل ان تطير

محمد فرج على يكتب : ما بأخافش خلاص م الموت

"حبينا بعضنا و بحنا بسرنا

عقبالكوا ذينا

و نبقي كلنا في الهوا سوا "

كانت بتغني

صوتها مش حلو

بس بيسري جوه وريدي

ذى الدم

كل كلمه من كلامها

بلسم شافى

حضن دافى

واحة امان مالهاش حدود

كل نظرة من عينيها

فيها الحياة و الموت

كل لمسه من ايديها

بتخليني اشتاق للسكوت

و اتمنى العمر يفوت

طول مهى جمبي

ما بأخافش خلاص

م الموت

محمد فرج على يكتب : لو سألتك انت مصرى تقولى ايه

1. يعشق تدمير الاخرين
2. ستاذ في القتل بدم بارد
3. مروج اشاعات نمبر وان
4. يحب الجنس الآخر موت
5. يعمل الحاجه فى السر و يحاربها في العلن
6. يجمع الكثير من المتناقضات
7. صامت و ناخع امام الحاكم
8. يمشي مع البنت و يقولها بحبك و مع ذلك ما يتجوزهاش
9. مزدوج فى تفكيره بدرجه رهيبه
10. البنت تعمل كل حاجه براحتها و المهم ماحدش يمسك عليها زله مع ان ربنا شايفها
11. شعار بنات اليوم " تقدر تقل ادبك عليا مادام هتقله معايا"
12. يظلم اخوه بكل قسوه مع انه ما يطيقش حد يظلمه
13. مؤلف عبقري يحبك روايات وهميه عن اى حد عاوز يدمره و الكل يصدقه و بعدها يقول بلاش نجيب في سيره الناس
14. يعشق الفضائح اكتر من عينيه
15. يصلي الفجر و بعد الصلا يتكلم علي الناس
16. استاذ فى الاسقاط " يعمل الحاجه و ينسبها لغيره"
17. يبالغ في الضد " بنت الليل تلبس اسدال او تتنقب"
18. وهو رايح يسرق او يعمل معصيه يقول يا رب
19. ما يفتكرش ربنا الا وقت الازمه
20. يقتل القتيل و يمشي في جنازته
21. الطيب بيتاخد في الرجلين
22. عنده الحلو وحش والصح غلط
23. بدل ما يقولك صباح الخير يقولك مين له سيدهايه النهارده
24. يصدق كل ما هو كذب و تلفيق
25. الاختلاف معاه يعنى ان ما فيش فايده منك
26. ما يعرفكش الا عشان مصلحته
27. يوقعك في الغلط و بعدين يقولك وانا مالي
28. يخاف من كلام الناس و ما يخافش من ربنا
29. البنت تخاف من الصرصار و ما تخافش تركب مع شاب في عربيته
30. البنت تخاف تقابل واحد فى مكان عام بس تروح معاه شقته