الكدابين انواع
و الكدب مذاهب
هو صحيح فشر و تلفيق
و عيار و طايش في الهوا
بس لابد نقول و نبين
لجل الحق يبان و يبين
ان كلامهم كله فاشوش
و لسانهم متباع بالفلوس
و الحقد جوه قلوبهم دفين
رغم مرور السنين
عندك ست عجيبه غريبه
كدابه وتافهه و مجنونه
و غبيه و جاهله و خايبانه
ما فيهاش الا لسان
عملاه كرباج لاسيادها
و اللي بيدفع بيبان
و تلبي بسرعه مراده
سلطوها و هي خايبه
تمام يا فندم
و دوغري اندبت علي وشها
و اتعلقت بحبال الكدب الدايبه
ما تستاهلش الرد عليها
بكره تسود لياليها
و تشوف نجوم الضهر بعنيها
ما دام ربنا موجود
و اسمه الحق و شهيد
و بالظلم ما يرضاش
و العدل في الميزان
اوعي يغرك جنونك
اياكي يا غلبانه
لو وقعتي ما حدش حيقف معاكي
و طريق الندامه حتمشي فيه بخطاكي
صدق اللي قال
ولاد الحرام
ما خلوش لولاد الحلال حاجه
هناك تعليقان (2):
اسلوبك جميل اوى
والكلاام ف الصميم
بس انت لية مش متابع فى التدوين ومش مهتم بمدونتك
تحياتى لييك
انتظرك
يا مرحبا يا مرحبا نورك غطي علي الكهربا
مين منورني هنا دعاء السكره
والله زمان
اشكرك علي تعليقك
والله بجد انا لسه باحبي في الشعر و الزجل وكافه اساليب التعبير بالكلام
البوست ده بالذات و الحيزبون القرشانه
موجهين لناس بالذات وذي ما بيقول المثل البلدي
اللي علي راسه بطحه بيحسس عليها
و للاسف انا لسه ما عنديش نت في البيت عشان كده بادون من سيبرات
فده اللي مش مخليني متابع ومهتم بالمدونه
علي العموم
نورتيني يا دودي يا بنت المنوفيه
يا بلديات
إرسال تعليق