محمد فرج على يكتب : آخر اتوبيس للأمل

متبددة الآمال
و تايهة فى اللاحدود !
و خارجة من اللامدى !
و عايشة فى اللاوجود !
سألت كتير عليكي
و لا حد رد جواب
مظلوم معاكى يا دنيا
مظلوم معاكى كتير
و لا عمر كاسك كان
غير قسي و ويل
مش عارف ليه
الظلم فارد جناحينه
و كانه الرُخ
و قاتل الامل
و زارع اليأس العنيد
و الحظ كانه نسيج
بخيوط عنكبوت
طار الرًخ بعيد
لكن بعد فوات الآوان
و بعد ما كان
آخر اتوبيس للأمل عدي !