ضعنا
و ضاعت ليالينا الجميله
و الحزن نسج خيوطه
على وشوشنا
وعلى قلوبنا
و على كل ملامحنا
و بقينا في محنه
و لا حاجه بتفرحنا
مش عارف ليه
بعدتى ليه
و انتى اللى فى الاول
عاهدتى ع الوفا
و ان احنا نوصل سوا لبر الامان
و نحارب الدنيا كلها
و نحارب الزمان
ما يهمناش من حد
لو حتى فاق الحد
كانت كلمتنا واحده
كانت ضحكتنا واحده
كانت لقمتنا واحده
بس بنشبع لما ناكلها
لوحدينا
يا غرامى و حبي و احلامى
تهتى فين ويا الايام
و لا عدش بيجمعنا مكان
و لا حتي صدفه بنتقابل
من غيرك راحت كل المعانى
من غيرك راحت كل الامانى
مين غيرك هيضمنى في عينيه
و يسهر ليله يفكر فيا
مين غيرك تانى
هيخاف عليا
مين غيرك بعد اللقا
و قبل الوداع
هيمسك ايديا
و يضمنى بعينيه
و يقولي امانه عليك ما تنسانى
و ترجع ليا من تانى
مين غيرك هيقولى
احلى كلمه على لسانك
قولتيها بصدق من جواكى
بنبض قلبك و الوريد
خلى بالك من نفسك
هناك تعليقان (2):
شعرك فى منتهى الروعه يا محمد
ربنا يوفقك
اختك
منى المصرى
الله يخليكي يا منى انتى كلك ذوق والله
إرسال تعليق